Dag 1: Befaring av lokasjon

Etter ein triveleg oppstart i går med grilling og leik i Ås, har vi no gjennomført fyrste dag av ideworkshopen. Vi har vore på befaring i Vaterlandsparken der vi skal byggje konstruksjonane. Vi vart kjent med område ved å skissere, måle opp og å ta bilete. Vi lot besøkande ta del i utforskinga ved å få deira innspill og meininger om parken.

Marte Ofstad frå Interkulturelt museum hadde eit foredrag om historia til området. Ho prata blandt anna om at det har vore mykje trelast her langs Akerselva. Og at dette har vore ein belasta og fattig bydel i fleire århundrer. 

Stina Maria Lindholm frå bydel Gamle Oslo gav oss meir informasjon om parken, og den viktige rollen den har sentralt i Oslo. Eit av måla dei har i bydelen er å få fleire til å gå gjennom og gjerne også ta eit stopp i parken. Dette håper vi å få til!

Etter god utforsking av Vaterlandsparken tok vi ein runde rundt for å bli betre kjent med nærområdet. Vi endte turen med eit lite besøk i nye Deichmanske bibliotek. 

Dagen vart avslutta på Olivia i Østbanehallen der vi åt deilig mat i godt selskap. Vi er veldig spent og gler oss mykje til dei neste dagane med idemyldring og prosjektering!